1. ZIKLOA

  Aurreko astean bigarren mailako lagunak Gerarin izan ginen. Goizean, Balenciaga museoa bisitatzeko aukera izan genuen. Berak diseinatutako soineko ederrak ikusteko aukera izateaz gain,  gu ere diseinatzaile bihurtu ginen! A ze kamisteta politak egin genituen. Hona hemen , eguneko momenturik berezienak biltzen dituen bideoa.

Azken egunetan gogotsu ibili gara Elatzeta egunerako gure emanaldia prestatzen. Dantza entsaiatu, karetak prestatu, zapi koloretsuak eta erropa txuria jantzi eta ederki pasa genuen larunbatean 2. mailako lagunak euritan dantzan. Aralarko Dama eroriko bada, Elatzeeeeeetan izango da. :)

  Azken asteetan ikasgelan landare eta xomorro artean murgildu gara. Ikas egoerari amaiera polit bat emateko asmoz, eskolatik tipi tapa Endaneara joan ginen ostiralean. Azken asteetan ikasgelan landare eta xomorro artean murgildu gara. Ikas egoerari amaiera polit bat emateko asmoz, eskolatik tipi tapa Endaneara joan ginen ostiralean. Bertan, mota askotako landareak ikusteko aukera izan genuen. Kaktusak, arantza eta arantza gabekoak, belar usaintsuak, baratzan landatzeko tomate, piper, marrubi eta baita eguzkilore ederrak ere. Hala ere, gehien gustatu zitzaiguna, landare haragijalea izan zen! Azalpen guztiak adi entzun ondoren, letxugak nola landatu ikasi genuen. Badugu ureztatzen nahiko lan, letxuga eder bat bihur dadin! Azkenik, bakoitzak eraman genuen txanponarekin gehien gustatu zitzaigun landarea erosteko aukera izan genuen. Kanpoko parkean jolasteko aukera ere izan genuen, zein pozik itzuli ginen eskolara!

Maiatzaren 7 eta 8an Elatzetako 2.mailako ikasleak Irrisarrin egon ginen gaua pasatzen. Baxi topatu nahian mila abentura bizi izan genituen eta ezin hobeto pasa genuen! Zeinen ondo pasa genuen ikusi nahi baduzue, hona hemen laburpen bideoa .

Gaur goizean, gure LH 1. mailako ikasleak ilusioz kargatuta irten dira Aterpera, Pasaiako Piraten Etxera! Gaur eta bihar (martxoak 26 eta 27), itsasoko istorioak, altxorrak eta lagunarteko une ahaztezinak bizitzeko aukera izango dute. Badakigu etxean gogoz zaudetela hauen berri izateko, beraz, egunean zehar ateratzen ditugun argazkiak karpeta honetan partekatuko ditugu: 📸 Ikusi argazkiak hemen Oharra: Karpeta eguneratzen joango gara aukera dugun neurrian. Goza dezatela abenturaz!

Gorputzaren proiektuarekin batera , Altzoko Handiaren historia ezagutzen aritu gara gelan. Oso bitxia iruditu zaigu jakitea nolakoa izan zen eta zergatik den hain ezaguna gaur egun ere  Migel Joakin Eleizegi . Ikasitakoa gertutik ezagutzeko, Altzora irteera egin dugu. Herria ezagutu dugu eta Altzoko Handiaren hezurrak lurperatuta dauden hilerria ikusteko aukera ere izan dugu. Gainera, bere omenez egindako harrizko estatuak ikustea izugarria izan da… benetan erraldoia izan zen! Oso egun polita pasa dugu, eta eguraldia lagun izanik, ibilardia primerakoa izan da! 📹📹📹 Hemen duzue gure irteeraren bideoa. Eskerrik asko, Altzo ! Eta eskerrik asko, Altzoko Handia !