1. ZIKLOA

Astelehen honetan bigarren mailako ikasleak Irrisarri Land aterpetxera joan gara gaua pasatzera.  Ekintza polit asko burutu ditugu eta primeran pasa dugu. Esteka honetan bideotxo bat eta argazkiak ikusgai dituzue 

Udaberriko oporrak hartu aurretik, 1. mailako ikasleak Altzora hurbildu ginen. Gelan Altzoko Handiaren istorioa ezagutu genuen eta hain interesgarria iruditu zitzaigun, gehiago jakiteko gogoz geratu ginela. Horregatik Miguel Joakinen herria ezagutzea ideia ona iruditu zitzaigun.  Koalak eta Ajoloteak Altzora iritsi ginenean, ginkana batean parte hartu genuen taldeka eta Handiaren baserria, bere txokoak eta bere aztarnak deskubritu genituen! Primeran pasatzeaz gain, eguraldi zoragarriaz gozatu genuen.   Egun horretako bideoa esteka honetan ikusgai duzue. 

Landare eta animalien proiektuarekin lotuta, Endaneara irteera egin dugu. Bertan, landare mota ezberdin pila bat zeuden eta bakoitzak landare bat prezio berezian erosteko aukera izan dugu. Bertako parkean gozatzeko aukera ere eduki dugu! Endanean egon ostean, Urdanibiako parkera joan gara, eta han bazkaldu eta jolastu dugu. Primerako eguna izan da!! Hona hemen irteerako bideo labur bat eta argazki guztiak.

Aurreko astean bigarren mailako ikasleok zentzumenen ibilbidea egin genuen Ingurune ikasgaian landutako gaiari amaiera emateko.  Ibilbidea eskolako sarreran dago eta  esteka honetan prozesuaren argazkiak ikusi ditzakezue. 

Martxoaren 17 eta 18an Pasaia Donibanen kokaturik dagoen Piraten etxean egon ginen 1.mailako ikasleak. Euskal piraten istorioak eta haien abenturak gertutik ezagutzeko aukera izan genuen, baita haiek bezala itsasontzian bidaiatzeko aukera bizitu ere. Erronka eta proba asko gainditu behar izan genituen altxorraren mapa lortzeko eta gure indarrak batzean, altxorra aurkitzea lortu genuen!  Auupaaaaa ELATZETAKO PIRATAK!  Esperientzia mundiala izan zen eta zoragarri pasatu genuen elkarrekin! Hurrengora arte piratak, aio pelaio!  Esteka honetan  egun polit hauen bideoa ikusgai. 

  Atzo 2.mailako ikasleak Baso Eskolara joan ginen. Ingurunen gai berria lantzen ari gara, Landareak eta Xomorroak, eta Baso Eskolan landare ezberdinak ikusteko aukera izan genuen.  Hemen  goiz polit honen laburpentxo bat ikusgai.